Þeir vinirnir Nonni og eldgamli skólastjórinn. Ekki var nú reyndar kennd hljóðfærasmíði í gamla barnaskólanum. En nú læra menn það bara á Netinu!

Haldiði að það sé! Sumt eru eigin útfærslur og annað eftirlíkingar af Netinu. Meira að segja er þarna eftirlíking af hestafiðlu frá Mongólíu!

Hér er kall að lemja húðirnar, enda spilað í hljómsveitum frá því hann var smá gutti!

Þetta er nú svona Grímur minn.

Strengjahljóðfærin eru af öllum gerðum sem sjá má.

Og gítararnir upp um alla veggi. Auk allra þeirra hljóðfæra sem Jón Sigurðsson hefur smíðað sjálfur, eru í safni hans græjur sem hann hefur eignast á ferðalögum, honum verið gefin eða fengið að láni. Sjón er sögu ríkari!

« 1 af 6 »

Hljóðfærasafn Jóns Sigurðssonar í gamla Verslunarfélagshúsinu á Þingeyri lætur ekki mikið yfir sér. Þegar inn í það er komið sést handverk og vinna heimamanns sem menn sjá ekki á hverju strái.

Að venjulegur maður á Þingeyri, sprottinn upp úr dýrfirskum jarðvegi, skuli stunda hljóðfærasmíði af öllum iðngreinum, er bara með ólíkindum!

Myndirnar hans Björns Inga Bjarnasonar, sem hér fylgja, segja meira en mörg orð.