A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
15.07.2015 - 20:41 | bb.is,BIB

Dýrafjarðargöng næst í röðinni

Einar K. Guðfinnsson
Einar K. Guðfinnsson
Það er alveg ljóst að Dýrafjarðargöng verða næsta nýja jarðgangaverkefnið í landinu. Þetta segir Einar Kristinn Guðfinnsson, forseti Alþingis og þingmaður Norðvesturkjördæmis, í grein á vef bb.is. „Í síðustu samgönguáætlun var kveðið skýrt á um að svo sé og sérstaklega nefnt að jarðgöng undir Fjarðarheiði og til Seyðisfjarðar komi að loknum Norðfjarðar- og Dýrafjarðargöngum,“ skrifar Einar Kristinn.

Í hádegisfréttum Bylgjunnar á mánudag sagði Höskuldur Þórhallsson formaður samgöngunefndar að Fjarðarheiðargöng gætu farið í útboð á næsta ári eða því þarnæsta. 


Einar Kristinn segir samgönguáætlun innanríkisráðherra ekki geta verið skýrari: „Í þeirri samgönguáætlun sem innanríkisráðherra lagði fyrir Alþingi nú í ár eru 4,6 milljarðar lagðir til verkefnisins Dýrafjarðargöng, á árunum 2016 til 2018. Einungis eru lagðir til fjármunir til rannsókna varðandi Fjarðarheiðargöng á árunum 2015 til 2018. Ljóst er því hver stefna stjórnvalda er. Fyrst klárum við Dýrafjarðargöng og svo er stefnan sett á Fjarðarheiðargöng. Skýrara getur það ekki verið. Þetta er sem sagt stefnumótun ríkisstjórna og þingsins á síðasta og þessu kjörtímabili.“ 
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31