Dýrafjarðargöng: - Búið að veita 4, 5 milljörðum í Dýrafjarðargöng ef og þegar……
Þingeyrarvefurinn sendi Innanaríkisráðuneytinu fyrirspurn um stöðu Dýrafjarðarganga í kerfinu í dag fyrir rúmum mánuði. Spurt var:
Hver er staða málsins?
Er búið að fjármagna verkið?
Og er búið að fjármagna gerð heilsársvegar yfir Dynjandisheiði?
Svar ráðuneytisins barst fyrir nokkrum dögum eins og komið hefur fram hér á Þingeyrarvefnum. Það hljóðar svo:
- Til undirbúnings og útboðs eru ætlaðar 100 m.kr. í Dýrafjarðargöng á þessu ári og samkvæmt tillögu að samgönguáætlun fyrir 2015-2018, sem lögð var fyrir Alþingi 27.05.2015, en var þó ekki afgreidd, var 1.500 m.kr. ætlaðar til verksins árið 2017 og 3.000 m.kr. árið 2018.
- Reiknað er með að forval fari fram um mitt þetta ár og útboð síðla þessa árs.
Dynjandisheiði var ekki nefnd í svari ráðuneytisins. Þetta er reyndar í fyrsta skipti sem undirritaður sér beinharðar tölur um Dýrafjarðargöng.
Eins og fram kemur í svarinu er Alþingi ekki enn búið að samþykkja samgönguáætlun fyrir árin 1915-1918. Þetta kemur svo sem ekki á óvart. Löggjafarsamkoma okkar lætur ekki að sér hæða. Sagan segir okkur að Jón Sigurðsson hafi verið potturinn og pannan í störfum Alþingis eftir að það var endurreist 1845. Skoðanir hans og framsýn forysta mótuðu þingið fyrstu áratugina. Hvernig ætli honum litist nú á stöðu mála þar innan stokks í dag ef hann mætti mæla?
