A A A
  • 1951 - Sigríğur Şórarinsdóttir
01.07.2009 - 10:19 | bb.is

Dırafjarğardagar ekki dırir

Víkingar á Dırafjarğardögum
Víkingar á Dırafjarğardögum
Ekki er rukkað á flesta viðburði Dýrafjarðardaga eins og greint er frá í bæklingi sem dreift var í hús og var sagt frá í frétt hér á bb.is í morgun. Í bæklingnum, sem dreift var nýlega í öll hús á svæðinu, er sagt að viðburðir merktir með stjörnum séu innifaldir í miðaverði Dýrafjarðardaga sem er 2.500 krónur fyrir fullorðna. Hins vegar voru margir viðburðir stjörnumerktir sem ekki er krafist gjalds. Aðgangur er ókeypis að þessum viðburðum hátíðarinnar ólíkt því sem sagt er í bæklingnum. Gjaldfrjálst er á svæðið og getur hver sem er fylgst með Vestfjarðavíkingnum, ókeypis aðgangur er að sölutjöldunum enda engin leiga er tekin fyrir sölubásana. Einnig voru stjörnumerktar hinar fjölmörgu listasýningar sem eru í boði á meðan hátíðinni stendur. Ekki er krafist gjalds fyrir aðgang að þeim.

 

Með miðanum fæst armband sem gestir hátíðarinnar bera á sér á meðan hátíðinni stendur. Veitir þetta aðgang að alls konar afþreyingu eins og bátsferðum, hestaferðum og hoppikastala. Helst veitir þetta þó aðgang að grillveislu hátíðarinnar sem er einkar glæsileg, en þeir sem hafa armband geta borðað eins mikið af dýrindis grillkjöti og meðlæti og í sig er hægt að láta en mikið er lagt upp úr því að hafa veisluna sem ríkulegasta. Í fyrra var grillaður matur ofan í 500 til 600 manns en búist er við allt að 700 grillgestum í ár. Gestir þurfa ekki að hafa fyrir því að koma með mat með sér, allt er innifalið og sjá kokkar um að grilla ofan í gesti hátíðarinnar, en glæsileg skemmtidagskrá er í boði á meðan veislunni stendur.

 

Frétt bb.is hefur vakið sterk viðbrögð aðstandenda hátíðarinnar og íbúa Dýrafjarðar. Að sögn Ernu Höskuldsdóttur, eins skipuleggjanda hátíðarinnar, er nú unnið að því að leiðrétta þann misskilning sem birtist í dagskrá hátíðarinnar þannig að það fari ekki á milli mála hvernig staðið sé að málum. Blaðið harmar að hafa ýtt undir þennan misskilning en bendir jafnframt á að þegar blaðamaður sóttist eftir skýringum frá aðstandendum hátíðarinnar í gær, var staðfest gjaldskylda fyrir stjörnumerkta viðburði. Er það von blaðsins að sem flestir sjái sér fært að mæta í Dýrafjörðinn um helgina til að njóta hinnar rómuðu gestrisni Dýrfirðinga.

« Júlí »
S M Ş M F F L
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31