A A A
27.02.2017 - 20:31 | Vestfirska forlagiđ,Emil Ragnar Hjartarson,Björn Ingi Bjarnason

Dálítiđ um Saltnes í Dýrafirđi

« 1 af 2 »
Saltnes er innan við Haukadal í Dýrafirði og geymir forna sögu og nýja.

1.
Saltnes er nefnt í Gísla sögu Súrssonar. Þar voru grýtt til bana systkinin Þorgrímur nef og Auðbjörg ,búendur í Haukadal en hinar mestu galdrakindur. Þorgrímur smíðaði spjót úr sverðinu Grásíðu sem var í farangri Súrssona þegar þeir komu til Íslands, sverðið komið í þerirra eigu með með svikum og ofbeldi en hafði brotnað. Spjótið úr Grásíðubrotum var notað til að drepa Véstei
n frá Hesti í Önundarfirði, fóstbróður Gísla og Þorgrím mág hans. Auðbjörg olli mannskaða með fordæðuskap, hleypti af stað aurskriðu með galdrakúnst og banaði fólki. Þau systkinin Þorgrímur og Auðbjörg eru dysjuð á Saltnesi

2.
Á Saltnesi er grafreitur franskra sjómanna sem dóu á veiðum við Ísland. Franska ríkið lét gera grafreitinn árið 1937 fyrir áeggjan Sigurðar Z. Gíslasonar, sóknarprests á Þingeyri.
Það voru Bjarni Guðmundsson, bóndi á Kirkjubóli og Jón Guðmundsson frá Höll í Haukadal sem gerðu þennan grafreit. Ungar stúkur úr Haukadal og frá Sveinseyri gróðursettu af eigin hvötum skrautblóm og trjáplöntur í reitnum.

3.
Á Saltnesi var blindhæð á þjóðveginum. Hún er nú horfin. Þessi blindhæð er fyrsta blindhæðin á Íslandi sem skipt var í tvær akreinar.Það gerðist 31. maí 1955. Þetta og unnu að því Oddur Pétursson,verkstjóri, frá Ísafirði og Óskar Friðfinnsson frá Kjaransstöðum í Dýrafirði.
Nú þekkja vegfarendur ekki blindhæðir nema af afspurn og átta sig kannske ekki á hve mikil slysavörn var fólgin í þessari akreinaskiptingu. Ef sett verður upp "söguspjald" á Saltnesi má ekki gleyma að geta um þetta brautryðjenda framtak Vestur-Ísfirzkra vegagerðarmanna þó hæðin sé horfin.

Af Facebook-síðu Emils R. Hjartarsonar.
« Mars »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör