A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
14.09.2017 - 19:35 | Vestfirska forlagið,ruv.is,Hallgrímur Sveinsson,Björn Ingi Bjarnason

Byrjað að sprengja fyrir Dýrafjarðargöngum

Stefnt er að opnun ganganna árið 2020.   Mynd: Halla Ólafsdóttir  -  RÚV
Stefnt er að opnun ganganna árið 2020. Mynd: Halla Ólafsdóttir - RÚV
« 1 af 3 »

Byrjað var að sprengja fyrir Dýrafjarðargöngum í Arnarfirði síðdegis í dag en unnið hefur verið að undirbúningi frá því fyrr í sumar. Jón Gunnarsson, samgönguráðherra, fékk það verk að sprengja fyrstu sprengjuna.

 

Framkvæmdin felur í sér að lagður verður 8,1 kílómetra langur nýr vegur og 5,6 kílómetra löng göng, alls 13,7 kílómetra vegstæði, segir á vef Vegagerðarinnar. Framkvæmdin kemur til með að stytta Vestfjarðarvegi um 27,4 kílómetra.

Göngin leysa af hólmi veg um Hrafnseyrarheiði, sem nær 550 metra hæð, og er jafnan ófær í marga mánuði á ári þar sem honum er ekki haldið opnum árið um kring. Ásamt endurbótum á Dynjandisheiði, sem er heldur ekki mokaður yfir háveturinn, verður til heilsársvegur milli sunnan- og norðanverðra Vestfjarða. Stefnt er að opnun ganganna árið 2020.

Barböruathöfn var haldin, áður en byrjað var að sprengja, til heiðurs Barböru, verndardýrlingi námumanna hjá kaþólikkum. Bæjarins besta segir að Tékkar grafi fyrir göngunum í Arnarfirði og hafi þá venju að setja líkneski við gangamunna og helga það í upphafi verks með sérstakri athöfn.

 

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31