A A A
05.08.2009 - 12:19 | bb.is

Brekkugata 13 seld á 3000 krónur

Ţingeyri
Ţingeyri
Bæjarráð Ísafjarðarbæjar hefur samþykkt kauptilboð Guðrúnar J. Guðmundsdóttur og Halldórs I. Guðmundssonar í húseignina að Brekkugötu 13 á Þingeyri en væntanlegir kaupendur hafa hug á því að gera eignina upp. Tilboðsfjárhæðin hljóðar upp á 3.000 krónur en samkvæmt tilboðinu hafa tilboðsaðilar kynnt sér húsnæðið vel og vandlega. Það er fúið á nokkrum stöðum, grunnurinn siginn og þakið lélegt. Ætlunin er að gera húsið upp sem mest í upprunalegri mynd. Segjast tilboðsgjafar, sem eru búsettir í Reykjavík, að þeim er kunnug saga hússins og mun fullt samráð vera haft við Húsafriðunarnefnd um hvernig að framkvæmdum verði staðið. Væntanlegir kaupendur eiga ættir sínar að rekja til Dýrafjarðar og hafa þeir hug á að rækta betur frændgarð sinn þar og dvelja á Þingeyri sem oftast.

Ef af kaupunum verður skuldbinda tilboðsaðilar sig til þess að vera búin að endurgera grunn, ytra yfirborð og þak fyrir 1. október 2010. Bæjarráð Ísafjarðarbæjar hefur falið bæjarritara að útbúa kaupsamning vegna sölunnar. Er tilboðið samþykkt með tilvísun í kauptilboð aðilanna og verður kaupsamningurinn lagður fyrir bæjarráð til samþykktar.
« Desember »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31