02.02.2017 - 20:34 | Vestfirska forlagið,Björn Ingi Bjarnason,bb.is,aflafrettir.com
Blossi ÍS 225 á Flateyri aflahæstur í janúar 2017
Blossi ÍS 225 frá Flateyri.
Janúarmánuður var gjöfull fyrir smábátinn Blossa ÍS frá Flateyri.
Vefurinn aflafrettir.com greinir frá að í janúar var Blossi aflahæstur báta undir 13 brúttotonnum.
Blossi fiskaði 50,6 tonn í 11 róðrum og mestur afli í róðri var 7,9 tonn.
Skipstjóri á Blossa er Birkir Einarsson og báturinn er gerður út af Hlunnum ehf.
Í öðru sæti listans er annar vestfirskur bátur, Svalur BA sem landar ýmist á Patreksfirði eða á Bíldudal. Svalur fiskaði 40,6 tonn í 8 róðrum.
