A A A
  • 1947 - Hildigunnur Gu­mundsdˇttir
  • 1997 - Kristjßn Gřmir Sigur­arson
05.06.2015 - 12:15 | Berg■ˇra Bergsdˇttir

BJARNI DAGBJARTSSON SIGLIR ┴ MS-SK┌TUNNI OCEANS OF HOPE

Bjarni Dagbjartsson.
Bjarni Dagbjartsson.
« 1 af 2 »

Hinn 28 ára gamli Bjarni Dagbjartsson steig hressilega út fyrir þægindarammann þegar hann tók þá ákvörðun að munstra sig á seglskútuna Oceans of Hope sem er 67 feta skúta á siglingu umhverfis hnöttinn. Bjarni er Dýrfirðingur, sonur þeirra Guðrúnar Steinþórsdóttur frá Brekku og Dagbjartar Bjarnasonar frá Þingeyri.

Siglingunni er ætlað að sýna fram á hvers fólk með MS er megnugt þrátt fyrir erfiðan og langvinnan sjúkdóm.

Bjarni vill með ferð sinni vekja athygli á og safna fé til rannsókna á versnun í MS en engin lyf eru til við þeirri gerð sjúkdómsins.

Um borð í seglskútunni eru, auk fastra áhafnarmeðlima, fjórir til sjö einstaklingar með MS sem koma víðs vegar að úr heiminum.

Siglingin í kringum jörðina er nú þegar hálfnuð og fögnuðu áhafnarmeðlimir alþjóðlega MS-deginum í Sidney 27. maí sl.

Framundan hjá Bjarna er 3ja vikna sigling norður með austurströnd Ástralíu, frá Sidney til Cairns.

Áður en Bjarni lagði af stað til Sidney var hann í viðtali á norsku sjónvarpsstöðinni TV2, sjá hér.

Bjarni er fæddur á Íslandi en ólst upp í Noregi. Hann fékk fyrstu einkenni MS 15 ára gamall en fékk ekki greiningu fyrr en 9 árum síðar, þá 24 ára gamall með sjúkdómsmyndina „frumkomin versnun MS“ (primary progressive MS/PPMS). Í dag á hann í erfiðleikum með jafnvægi og að ganga lengri vegalengdir.

Þrátt fyrir MS hefur Bjarni ekki látið deigan síga í gegnum tíðina. Hann fór sem skiptinemi til Japan, tók háskólapróf í viðskiptafræði og hefur unnið í London. Hann er því ekki hræddur við áskoranir þrátt fyrir sjúkdóminn og var ekki lengi að hugsa sig um þegar hann las um siglingarverkefnið Sailing Sclerosis þrátt fyrir að hafa aldrei siglt fyrir opnu hafi og eigi við jafnvægisleysi að stríða. Hann tekur eigin áskorun með bros á vör og tilhlökkun um skemmtilegt og krefjandi verkefni.

Það verður gaman að fylgjast með Bjarna og félögum hans en fylgjast má með þeim á vefsíðunni Sailing Sclerosis en þar er m.a. hægt að lesa ferðasöguna, sjá hvar skútan er stödd, hvar hún hefur verið og hvert hún stefnir.


Bergþóra Bergsdóttir.

« Desember »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31