Nokkurnveginn beint upp af rafmagnsstaurnum utan Rauðsstaða verður gangamunnur Dýrafjarðarganga í fjallshlíðinni Arnarfjarðarmegin. Ljósm. H. S.

Spekingar spjalla um jarðgangagerð og vegamál almennt. Eitthvað var einnig minnst á sauðkindina. Til vinstri Þorbjörn Pétursson bóndi á Ósi og Steinar R. Jónasson, rafstöðvarstjóri í Mjólka, en því starfi hefur hann gegnt lengur en nokkur annar. Munar þar mörgum árum. Hann er geysilegur áhugamaður um Dýrafjarðargöng eins og Bjössi og fleiri góðir menn. Ljósm. H. S.

« 1 af 2 »

Næst er frá því að segja í þessari ferðarollu, að við áðum á Rauðsstöðum og tókum mynd af fjallshlíðinni þar sem Dýrafjarðargöng eiga að koma út Arnarfjarðarmegin.

Svo var haldinn fundur í fjáhúsunum á Borg. Þar kom fram hjá  einum fundarmanna, Steinari R. Jónassyni rafstöðvarstjóra, að frú Ólöf Nordal hefði lýst því yfir fyrir austan um daginn, að Dýrafjarðargöng yrðu næst í gangaröðinni. Útboð er fyrirhugað á næsta ári og einhverjar krónur er búið að setja til hliðar svo hægt sé að taka sólarhæðina. Nú er bara beðið eftir samgönguáætlun, sem væntanlega verður samþykkt á Alþingi fyrir jól segir Steinar. 

En það eru ekki bara göngin. Heldur er nú í bígerð nýr heilsársvegur yfir Dynjandisheiði. Er stefnt að því að ljúka honum í kjölfar opnunar Dýrafjarðarganga segir Steinar.

Bravó!