A A A
  • 1932 - Ţórdís Jónsdóttir
20.06.2016 - 18:14 | Vestfirska forlagiđ,Hallgrímur Sveinsson

Alveg gomma af nýjum fréttum ađ vestan

Séđ af Mýrafelli og Inn Dýrafjörđ. Ljósm.: Ţorbergur Steinn Leifsson.
Séđ af Mýrafelli og Inn Dýrafjörđ. Ljósm.: Ţorbergur Steinn Leifsson.
« 1 af 2 »

Veðrið

Hiti er nú, á Sumarsólstöðum 2016, 18 gráður á Celsíus, sól um alla firði, nokkur andvari. „Það stangar ekki hart í dag,“ eins og Valdimar á Mýrum segir stundum. Þetta er stórkostlegt maður! Allir að drepast úr hita.

Sláttur er almennt hafinn

Jæja. Nú koma þeir sér við drengirnir með frúm sínum og búaliði. Sláttur er bara almennt hafinn í Dýrafirði og víðar þar norður af. Ómar á Ketilseyri reið á vaðið á Grænanesi fyrir um viku síðan. Alveg velligras miðað við 1. slátt, til dæmis hjá Sighvati á Höfða og Kalla á Bakka. Greinilegt að það stefnir að óbreyttu í þrjá slætti í sumar.

21 dýr milli Haukadals og Hóla

Búið er að fella 21 melrakka bara á svæðinu milli Haukadals og Hóla á rúmum mánuði. Notarius publicus hefur staðfest þá tölu. Þetta er náttúrlega alveg svakalegt. En hvað á að gera? Æðarbændur eru almennt gráir fyrir járnum fyrir utan aðra fótgönguliða. Samt sér ekki högg á vatni.

Og nú eru þeir farnir að aka bensínlausir fyrir vestan!

Léttadrengur nokkur ók bensínlaus í kaupstað frá Brekku í Brekkudal í Dýrafirði í morgun. Þetta hefur honum aldrei tekist áður. Svo ætlaði hann að fá sér bensin fyrir siðasakir úr nýju dælunni hjá henni Diddu. Þá kom í ljós að hann kunni bara ekki á þetta nýja appart. Er það eins og fyrri daginn: Það er ekki nóg að geta ekið bensínlaus ef vitið vantar! 

 

Allt við það sama á Ísafirði

Það er ekkert að frétta úr blokkinni. Dúddi á afmæli á morgun. Og allt er við það sama á Ísafirði. Nema að nú er búið að lakka helminginn af fremra gólfinu á tannlæknastofunni hjá þeim Viðari og Sigurjóni dentistum. Þetta er bara eins og spegill. Það var svo mikil ös í Bónus um daginn að maður hvarf bara frá. Bílastæðið troðið og skekið! Meira seinna.

« September »
S M Ţ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör