A A A
  • 1940 - Hallgrímur Sveinsson
08.01.2017 - 20:03 | Vestfirska forlagiđ,Hallgrímur Sveinsson

Almennar fréttir til gamans í örstuttu máli úr hinum fagra Dýrafirđi

Tveir nafnkunnir Dýrfirđingar, Elías Mikael Vagn Ţórarinsson bóndi á Sveinseyri, áđur í Hrauni og Arnarnúpi, hirđskáld Dýrfirđinga og jarl af Keldudal og Jóhannes Davíđsson bóndi í Neđri-Hjarđardal, forystumađur mikill úr Mýrahreppi. Hér stinga ţeir félagar saman nefjum í Beinaverksmiđjunni hjá honum Desa í 60 ára afmćli Kaupfélags Dýrfirđinga 1979. Ljósm.: Gunnar frá Hofi.
Tveir nafnkunnir Dýrfirđingar, Elías Mikael Vagn Ţórarinsson bóndi á Sveinseyri, áđur í Hrauni og Arnarnúpi, hirđskáld Dýrfirđinga og jarl af Keldudal og Jóhannes Davíđsson bóndi í Neđri-Hjarđardal, forystumađur mikill úr Mýrahreppi. Hér stinga ţeir félagar saman nefjum í Beinaverksmiđjunni hjá honum Desa í 60 ára afmćli Kaupfélags Dýrfirđinga 1979. Ljósm.: Gunnar frá Hofi.
  1. Logn er veðurs nú um tvöleytið 8. jan 2017, þó nokkur vindgári sé á fjörðinn. Hiti um eða rétt undir frostmarki. Úrkomulaust.
  2. Mokstursbíllinn frá Fremri-Breiðadal kom til Þingeyrar upp úr tvö. Vegurinn greiðfær.
  3. Snjólaust má heita í Vestfirsku Ölpunum, þó hvítt sé yfir að líta. Sama í Mýrahreppi. Nokkrir skaflar eru þó auðvitað í fjöllum.
  4. Tófuför sáust á Brekkudal í fyrradag og í gær. Lágfóta virðist þó ekki vera mikið á kreiki eftir því sem gleggstu menn fá séð. Spurning með minkinn.
  5. Almennur safnaðarfundur í Fellasókn er framundan segja málsmetandi menn. Mun verða gengið til dagskrár samkv. auglýsingu þar um. Embætti hringjara er laust.
  6. Forlagið við yzta haf ku vera að undirbúa útgáfu á kínversku og er ekki seinna vænna segja gárungarnir. Flýgur fyrir að fyrsta bókin verði fyrir ferðalanga frá Alþýðulýðveldinu Kína.
  7. Og er nú rétt að upplýsa hér og nú að stórmyndarleg kínversk kona sást á gangi á Þingeyri í gær og fyrradag. Hugsanlegt er að hún hafi verið frá Nippon (öðru nafni Japan), en það telja þeir sem sáu ólíklegra.  
  8. Miðbæjarkarlinn er búinn að víxla hrútunum, enda fyrra gangmálið búið í dalnum. Þetta eru hinar svokölluðu frjálsu ástir í fjárhúsunum.  Áður fyrr fóru menn með hrút og hleyptu til sem kallað var. 
  9. Grímsheiði er ófær. Þeir sem til þekkja telja að ekki sé útilokað að beðið verði um mokstur að óbreyttum snjóalögum.
  10. Bjarni Georg og frú Sylvía komu heim í gær. Þá verður jólasveinninn á Nesi náttúrlega tekinn inn. Bergur á Felli og frú Emilía eru einnig komin heim.
  11. Lambadalskarlinn kom akandi í kaupstað áðan.
  12. M/b Dýrfirðingur er uppi á kambi í lítils háttar lagfæringu. Reðarinn segir að skipshöfnin hafi bara staðið sig nokkuð vel eftir atvikum á árinu.
  13. Það er ekkert að frétta úr blokkinni.
  14. Tveir staurar brotnuðu í gömlu Mjólkárlínunni á Hjallkáreyrarhlíð fyrir innan Hagahrygginn í rokinu um daginn. Hinir vösku sveinar Hreinn sterki og co. voru ekki lengi að redda því. Enda vita þeir að hér er bókstaflega um líflínu að ræða fyrir Þingeyri og nærsveitir.
« Júní »
S M Ţ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör