A A A
  • 1935 - Mary Karlsdóttir
  • 1999 - Ţóra Rún Óladóttir
30.09.2017 - 23:10 | Björn Ingi Bjarnason,Emil Ragnar Hjartarson,Hallgrímur Sveinsson,Vestfirska forlagiđ

Akfćrt fyrir Dýrafjörđ áriđ 1954

Emil Ragnar Hjartarson.
Emil Ragnar Hjartarson.

Í september árið 1954 var lokið merkum áfanga í vegagerð á Vestfjörðum. Vinnuflokkur Þorsteins Ólafssonar lauk tengingu við veg sem þá var kominn út fyrir brúna á Hvalláturdalsá. Þar með akfært fyrir Dýrafjörð. 

Síðasti kaflinn, yfir Ófæruna, hafði reynst erfiður viðfangs vegna aurbleytu , gekk illa þangað til fenginn var "tíuhjóla trukkurinn" sem var til á Flateyri með drif á öllum þrem hásingunum. Hann flutti möl í svaðið svo öðrum vörubílum varð fært. Þennan GMC trukk (gemsar voru þeir kallaðir) áttu ýmsir. Þegar þetta var minnir mig að Þórður Sveins og Gunnar á Vífilsmýrum hafi átt hann. Í dagslok, kl 19, voru nokkrir metrar eftir. Þorsteinn verkstjóri leyfði okkur að klára um kvöldið. Það var ekki klippt á borða, kannske ekki búið að finna þess konar serímoníu upp. Hins vegar fórum við á einum vörubíl til Þingeyrar, stóðum á pallinum meðan ekið var niður á pláss og höfðum hátt.. 

Þessi innreið vakti athygli. Nú vissu Þingeyirngar að akfært var fyrir Dýrafjörð. Mikið var þó enn óunnið, Botnsáin óbrúuð en tekin gegn um ræsi---menn vissu að þar var tjaldað til einnar nætur. Sömuleiðis var vegurinn innan við Kjaransstaði og um Drangahlíð inn í Botn af vanefnum gerður, lítið meira en akfær ruðningur. 

Við vorum að vísu ekki fyrstir til að aka fyrir Dýrafjörð--það gerði Óskar á Kjaransstöðum á vörubíl sínum--skrönglaðist einhvern veginn eftir leirum undir Ófærunni með bílinn á dráttarvélakeðjum og komst í tjaldbúðir á Valseyri.
Hann lét sér ekki margt fyrir brjósti brenna sá karl frekar en Elís Kjaran, bróðir hans.

 

Af Facebokk-síðu Emils R. Hjartarsonar.


« Október »
S M Ţ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
Jón Sigurðsson í hnotskurn

Veistu, hvílíkt afrek það var að halda úti Nýjum félagsritum í 30 ár?


Veistu, hvernig alls konar fyrirgreiðslustörf hlóðust á Jón?


Veistu, hvernig hann leysti þau af hendi og hvern þátt þau áttu í vinsældum hans með þjóðinni?


Veistu, hvenær Jón þurfti mest á fjárhagsstuðningi að halda heiman frá Íslandi?


Veistu hvernig Íslendingar og Danir brugðust þá við?

Eldri spurningar & svör