24.06.2016 - 06:51 | Vestfirska forlagið,Morgunblaðið
24. júní 1000 - Kristnitakan. Kristin trú var lögtekin á Alþingi á Þingvöllum við Öxará
Þingvellir . Ljósm.: BIB
Kristnitakan. Kristin trú var lögtekin á Alþingi á Þingvöllum við Öxará þann 24. júní árið 1000.
Þar hafði skorist í odda með kristnum mönnum og heiðnum en Þorgeir Þorkelsson Ljósvetningagoði úrskurðaði að „allir menn skyldu kristnir vera“ og sagði:
„Höfum allir ein lög og einn sið. Það mun verða satt, er vér slítum í sundur lögin, að vér munum slíta og friðinn.“
Morgunblaðið föstudagurinn 24. júní 2016 - dagar Íslands - Jónas Ragnarsson.
24. júní 2012
Séra Agnes M. Sigurðardóttir, prestur í Bolungarvík, var vígð biskup Íslands fyrst kvenna. Hún hafði sigrað í biskupskjöri tveimur mánuðum áður, hlaut 64% atkvæða en séra Sigurður Árni Þórðarson 32%.
Morgunblaðið föstudagurinn 24. júní 2016 - dagar Íslands - Jónas Ragnarsson.
