�ingeyrarvefurinn - Allar fr�ttir

16. ma� 2009 - J�hanna Gu�r�n J�nsd�ttir var� � ��ru s�ti � Evr�pus�ngvakeppninn

Thu, 16 May 2013 05:11:00 +0000

Dýrfirðingurinn Jóhanna Guðrún Jónsdóttir varð í öðru sæti í Evrópusöngvakeppninni með lagið Is It True?
„Yndislegur dýrðardagur,“ sagði Páll Óskar Hjálmtýsson í samtali við Fréttablaðið.
Þegar Jóhanna Guðrún kom til landsins var henni fagnað á Austurvelli „eins og þjóðhetju“.

Morgunblaðið fimmtudagurinn 16. maí 2013 - Dagar Íslands | Jónas Ragnarsson.

Snerpa setur upp n�ja vefmyndav�l sem s�nir D�rafj�r�

Sun, 12 May 2013 05:39:00 +0000

Snerpa hefur komið fyrir vefmyndavél á Höfða í Dýrafirði og er útsýnið til vesturs út Dýrafjörðinn frá ytri hluta Þingeyrar og yfir að Mýrafelli. Myndin úr vélinni er lifandi og með því að smella á hægri músarhnapp yfir henni má skoða hana i fullri skjástærð. Litlu hvítu deplarnir sem birtast stundum í forgrunninum eru endurnar hans Sighvats á Höfða.

Vefmyndavélina má finna á heimasíðu Snerpu, undir flipanum ''Allt hitt' -> 'vefmyndavélar' -> Dýrafjörður,semsagt hér.

H�t��ardagskr� � �tal�u vegna Skr��s

Fri, 10 May 2013 17:11:00 +0000

Sjóður á vegum Benetton fjölskyldunnar á Ítalíu hefur ákveðið að veita skrúðgarðinum Skrúði að Núpi í Dýrafirði hin virtu Carlo Scarpa hönnunarverðlaun. Verðlaunaafhendingin fer fram í borgarleikhúsinu í Treviso á Ítalíu á morgun. Mikil hátíðarhöld fylgja verðlaunaafhendingunni og er í mikið í hana lagt. Hátíðarhöldin hefjast í kvöld með opnun sýningar um Skrúð í húsnæði Benetton sjóðsins. Mikið er lagt í sýninguna þar sem sýnt verður efni m.a. frá Skrúði. Samhliða opnun sýningarinnar mun Reynir Vilhjálmsson, landslagsarkitekt, flytja fyrirlestur um landmótun í kringum snjóflóðavarnargarða. Viðstaddur opnunina verður m.a. Luciano Benetton, höfuð Benetton fjölskyldunnar.

Á morgun verður síðan efnt til ráðstefnu þar sem íslenskir fyrirlesarar eru í fyrirrúmi. Guðmundur Hálfdánarson, prófessor Jóns Sigurðssonar fjallar um sögulega þýðingu Skrúðs, Magnús Tumi Guðmundsson fjallar um jarðfræði Íslands, Þráinn Hauksson fjallar um áskoranir á íslenskum ferðamannastöðum, Aðalsteinn Eiríksson um sögu Skrúðs og svæðisins í heild og Einar Sæmundsen fjallar um íslenskan landslagsarkitektúr. Að lokum mun Daníel Jakobsson bæjarstjóri Ísafjarðarbæjar kynna Vestfirði og Ísafjarðarbæ.

Annað kvöld munu Brynjólfur Jónsson formaður Skrúðsnefndar og Aðalsteinn Eiríksson varaformaður veita verðlaununum viðtöku í Borgarleikhúsinu í Trevisio að viðstöddu fjölmenni. Daníel Jakobsson segir ótrúlegt að sjá hversu mikla umfjöllun Skrúður hefði fengið í tengslum við viðurkenninguna. „Skrifaðar hafa verið fréttir í yfir 30 ítölsk blöð þar sem fjallað hefur verið um málið. Sjóðurinn hefur jafnframt látið þýða bók um Skrúð á ensku og ítölsku og svo eru merki hér út um allan bæ þar sem fjallað er um Skrúð. Nú þurfum við bara að nýta okkur þennan meðbyr,“ segir Daníel.

Undirb�ningur fyrir D�rafjar�ardaga � fullum gangi

Fri, 10 May 2013 14:48:00 +0000

Undirbúningur fyrir Dýrafjarðardaga 2013 er nú í fullum gangi en í ár verður hátíðin haldin í 12. sinn. Hún fer fram fyrstu helgina í júlí, eða dagana 5. - 7. júlí. Erna Höskuldsdóttir, einn skipuleggjanda hátíðarinnar, segir undirbúning vel á veg kominn og að dagskráin verði að venju þéttskipuð: "Það er margt í vinnslu en fastir liðir eins og grillveislan, hoppukastalar, strandblaksmótið og súpa í garði verða auðvitað á sínum stað, ásamt fleiri skemmtilegum dagskrárliðum. Að þessu sinni verður boðið upp á súpu í görðunum við Hrunastíg og Hlíðargötu". Erna segir alltaf þörf á góðu fólki til að aðstoða við framkvæmd hátíðarinnar og því eru þeir sem vilja leggja hátíðinni lið, ýmist með nefndarstörfum eða þátttöku í skemmtilegum verkefnum á hátíðinni sjálfri, beðnir um að hafa samband við Ernu á netfangið ernaho@isafjordur.is.

Hlj�msveitin �fing gefur �t hlj�mdisk me� s�gum af (Flat)eyrinni

Tue, 07 May 2013 14:53:00 +0000

Hljómsveitin Æfing hefur gefið út geisladisk sem segir sögur af eyrinni. Eiginlega má segja að diskurinn sé rafræn, stafræn og sungin útgáfa af sagnfræði Flateyrar, segir í kynningu frá útgefandanum: „Fjölbreytt lagaval er á disknum sem seiðir fram ótrúlegustu minningar um þorpsandann á Æfingatímanum. Hann var þróttmikill, hraði og spenna lágu í loftinu og vökvun sá um það sem á vantaði fyrir góð böll og partý. Steypuvinna, beitning, sjómennska, konur í Salnum og margt fleira verður ljóslifandi og jafnvel innan seilingar. En best að bulla ekki meira.“

Æfing verður með útgáfutónleika á stórasviði Samkomuhússins á Flateyri á hvítasunnunni, 18. og 19. maí, þannig að nú eiga allir gamlir og nýir Önfirðingar leið vestur. Hátíðin verður stórfengleg og óvíst að svona Hvítasunnugleði verði nokkru sinni haldin aftur á Íslandi, eiginlega alveg örugglega ekki.

Skr��ur hl�tur Carlo Scarpa ver�launin

Mon, 06 May 2013 21:16:00 +0000

Frétt af mbl.is
Skrúður á Núpi í Dýrafirði hlýtur í ár ein virtustu verðlaun sem veitt eru á sviði menningarlandslags, garðlistar og landslagsarkitektúrs. Verðlaunin eru nefnd í höfuðið á Carlo Scarpa, virtum ítölskum arkitekt og hefur samnefnd menningar- og rannsóknastofnun veg og vanda af vali þeirra staða sem verðlaunaðir eru hverju sinni, en Carlo Scarpa sjóðurinn hefur veitt verðlaunin undanfarinn aldarfjórðung. Þetta kemur fram í fréttatilkynningu.

Verðlaunaafhendingin fer fram í Treviso á Ítalíu þann 11. maí.

Síðastliðið haust kom hingað til lands tíu manna nefnd sérfræðinga á vegum menningar- og fræðsluseturs Carlo Scarpa sjóðsins og tók stjórn framkvæmdasjóðs Skrúðs á móti sendinefndinni í Skrúði.

Aðdragandi að komu sendinefndar Carlo Scarpa sjóðsins til Íslands var sá að sjóðurinn hafði samband við þrjá landslagsarkitekta hér á landi, Reyni Vilhjálmsson, Einar E. Sæmundsen og Þráinn Hauksson og skipulögðu þeir heimsókn nefndarmanna þar sem skoðaðir voru helstu garðar hér á landi, samkvæmt fréttatilkynningu.

Sama dag og verðlaunaafhendingin fer fram hefur menningarstofnun Carlo Scarpa skipulagt ráðstefnu þar sem aðallega verður fjallað um Ísland, jarðfræði, sögu, arkitektúr, skipulag og ekki síst um Vestfirði, Núpsskóla og Skrúð. Við verðlaunaafhendinguna verður einnig boðið upp á íslenska tónlist þar sem tónlistarmennirnir Hilmar Örn Hilmarsson og Steindór Andersen verða í aðalhlutverki. Þá verður við sama tækifæri gefið út fræðirit, aðallega tileinkað Skrúði.

Auk þess er búið að þýða dagbók stofnanda Skrúðs, séra Sigtryggs Guðlaugssonar, yfir á ítölsku. Einnig verður opnuð sýning með ýmsum myndum og munum er tengjast Skrúði og séra Sigtryggi og Hjaltlínu Guðjónsdóttur, konu hans. Á sýningunni verður einnig sýnd kvikmynd Gísla Gestssonar kvikmyndagerðarmanns um Skrúð, sem gerð var árið 2002 og sýnd var í sjónvarpi á sínum tíma, en texti myndarinnar hefur verið þýddur á ítölsku.

B��ur framm a�sto� s�na vi� sau�bur�

Sat, 04 May 2013 18:31:00 +0000

"Kajakræðarinn Guðni Páll Viktorsson er þessa dagana veðurtepptur við Ingólfshöfða en hann segist ekki sitja aðgerðarlaus. „Það var ekki beint spennandi að húka í tjaldi þessa daga sem ég sit hér fastur. En hér er byrjaður sauðburður í sveit og hef ég boðið fram krafta mína í það," segir Guðni.

Þetta kemur fram á bloggsíðu Guðna Páls. Þann 30. apríl hóf hann hringferð sína um landið en tilgangur ferðarinnar er að safna fé til styrktar Samhjálp.

Guðni Páll segir að það sé ekki laust við að smá spennuhnútur sem hafi myndast í maganum við sé nú farinn.

„Ég er ánægður með þá ákvörðun að hafa byrjað á þessari blessaðri suðurströnd og nokkuð augljóst að hún ber orð með réttu. Hún er áskaplega falleg en um leið ógnvænleg. Brimið getur verið heillandi eins og ógnvekjandi," skrifar hann.

„Fyrstu tveir róðrardagarnir eru búnir og gengur vel. Núna er ég staddur í Ingólfshöfða og lítur allt út fyrir það að ég verði hér fram á mánudag, veðurtepptur. Hörku næturfrost er á Suðurlandi þessa dagana og nýtti ég mér bændagistingu á Hofi fyrir ofan Ingólfshöfða. Það var ekki beint spennandi að húka í tjaldi þessa daga sem ég sit hér fastur. En hér er byrjaður sauðburður í sveit og hef ég boðið fram krafta mína í það. Þannig að ekki mun ég sitja aðgerðarlaus þessa veðurdaga," skrifar Guðni Páll á bloggsíðu sína."

Gu�ni P�ll heldur af sta� � morgun

Mon, 29 Apr 2013 23:19:00 +0000

Dýrfirðingurinn Guðni Páll Viktorsson, sem ætlar að róa á kayak hringinn í kringum landið til styrktar Samhjálp, leggur af stað í ferðalagið á morgun, 30. apríl. Upphafleg áætlun gerði ráð fyrir brottför þann 1. maí en ákveðið var að flýta ferðinni vegna óhagstæðrar veðurspár. Guðni Páll rær frá Höfn í Hornafirði kl. 10 á morgun og áætlar að vera kominn til Víkur í Mýrdal föstudaginn 3. maí. Hægt er að heita á Guðna Pál á heimasíðu verkefnisins hér, og fylgjast með ferðalagi hans, bæði á Facebook og á bloggsíðunni Around Iceland 2013.

Vort�nleikar Karlak�rsins Ernis

Mon, 29 Apr 2013 22:00:00 +0000

Karlakórinn Ernir heldur sína árlegu vortónleika í Félagsheimilinu á Þingeyri annað kvöld, 30.april kl. 20:00. Dagskráin verður fjölbreytt og skemmtileg að vanda en efnisskráin er að þessu sinni öll eftir vestfirsk tónskáld. Undirleik annast Margrét Gunnarsdóttir en stjórn kórsins er í höndum Beata Joó. Þeir sem komast ekki á tónleikana annað kvöld þurfa ekki að örvænta því kórinn mun einnig halda tónleika í Ísafjarðarkirkju miðvikudaginn 1. maí kl. 17. Aðgangseyrir á tónleikana er 2.500 kr og tekið er við greiðslukortum.

Vestfjar�alistinn me� fj�ra menn n�st?

Fri, 26 Apr 2013 22:24:00 +0000

Nokkra athygli vakti þegar Vestfjarðalistinn kom fram á sjónarsviðið fyrir nokkru og kynnti stefnumál sín. Að listanum standa nokkrir Dýrfirðingar, en í forsvari eru þeir Hallgrímur Sveinsson bókaútgefandi, fyrrum staðarhaldari á Hrafnseyri og skólastjóri á Þingeyri, Bjarni Georg Einarsson og Guðmundur Ingvarsson. Að sumu leyti er málflutningur þeirra gamansamur en undir býr rammasta alvara, segir Hallgrímur.

Aldrei kom til álita að Vestfjarðalistinn byði fram í kosningunum á morgun heldur var ætlun þessa hóps að vekja athygli á málefnum Vestfjarða og Vestfirðinga. Þó fyrst og fremst athygli flokka og frambjóðenda og þeirra sem taka við keflinu á Alþingi og í ríkisstjórn eftir kosningar.

Andi Jóns forseta frá Hrafnseyri svífur yfir vötnum þeirra Vestfjarðalistamanna. Meðal þess sem þeir leggja til um Alþingi er þetta: „Stytta ræðutíma þingmanna miskunnarlaust og fækka þeim niður í 40 að minnsta kosti. Alþingismenn ættu að taka sér Vestfirðinginn Jón Sigurðsson til fyrirmyndar og læra af honum kurteisi, þinglega framkomu og vinnusemi.“

Hallgrímur talar í gamansömum tón um „framvirkan stuðning“:

„Í fréttum Stöðvar 2 um daginn, þar sem Spaugstofan er til húsa um þessar mundir, kom fram að Framsóknarflokkurinn væri nú kominn með 120% stuðning. Hluti af því væri svokallaður framvirkur stuðningur, á erlendu máli kallað ambivalence, sem gerði það að verkum að flokkurinn væri kominn með fjóra til fimm menn örugga inn í kosningunum 2017. Samkvæmt þessu lögmáli og kosningalögum að hluta má þá segja, samkvæmt hinum mikla framvirka stuðningi við Vestfjarðalistann, að við séum nokkuð öruggir með fjóra menn á landsvísu í kosningunum 2017.“

Hallgrímur segir að þótt Vestfjarðalistinn sé ekki formlegt stjórnmálaafl enn sem komið er sé hann kominn til að vera. Hann muni ekki leggja upp laupana strax núna um kosningahelgina heldur berjast áfram fyrir hagsmunamálum Vestfirðinga og landsins alls.

Hér má lesa boðskap og stefnuskrá Vestfjarðalistans. Eins og þar er tekið fram er Vestfjarðalistinn ekki formlegt stjórnmálaafl heldur innlegg í umræðuna. Stefnuskráin sé fyrst og fremst ætluð sem frumkvæði, ábendingar og hugmyndir heimamanna til skoðanaskipta.