A A A
  • 1966 - Konráđ Kristinn Konráđsson
  • 1974 - Einar Birgisson
  • 1997 - Viktoría Kristín Viktorsdóttir
  • 2005 - MIHKEL SILDOJA
  • 2010 - Ćgir Egill Gunnarsson
06.07.2011 - 17:51 | bb.is

Vestfjarđavíkingurinn hefst á morgun

Frá keppni í Vestfjarđavíkingnum.
Frá keppni í Vestfjarđavíkingnum.
Keppni í Vestfjarðavíkingnum hefst á morgun. Fyrsti keppnisstaður verður á Hólmavík en einnig verður keppt á Drangsnesi og í Heydal á fimmtudag. Á föstudag halda kapparnir til Súðavíkur, Suðureyrar og Bolungarvíkur. Keppnin heldur áfram á Þingeyri á laugardaginn og henni lýkur á Ísafirði seinna um daginn. Magnús Ver Magnússon mótshaldari segir að ellefu kappar hafi skráð sig til leiks en aðeins einu sinni hafi verið svo margir þátttakendur.

Magnús býst við hörkukeppni í ár um efstu sætin. Stefán Sölvi Pétursson mætir aftur til leiks en hann var meiddur á síðasta ári. Stefán Sölvi hefur verið einn sterkasti aflraunamaður landsins og unnið keppnina um Vestfjarðavíkinginn mörgum sinnum. Hefur hann nú þegar unnið keppnisrétt í Sterkasta manni heims. Hafþór Júlíus Björnsson ætlar ekki að gefa neitt eftir enda á hann titil að verja, en hann vann keppnina í fyrra. Hafþór stefnir að því að ná keppnisrétti í Sterkasta manni heims er hann keppir á móti erlendis um mánaðamótin.

 

Magnús segir mótið vinsælt hjá aflraunarmönnum. „Víkingurinn er kadillakkinn okkar sem stunda aflraunakeppnir. Þetta er frægasta mótið, skemmtilegt og alltaf er ákveðin bragur á því. Svo skemmir ekki fyrir að okkur er alltaf vel tekið fyrir vestan."

 

Upplýsingar um dagskrá mótsins má finna á heimasíðunni vöðvafíkn.net.

« Október »
S M Ţ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31