A A A
  • 1935 - Soffía Einarsdóttir
Síra Baldur Vilhelmsson í Vatnsfirði, en þar þjónaði hann allan sinn prestsskap eða frá 1956-1999.    Ljósm.:  Mbl. Sverrir Vilhelmsson.
Síra Baldur Vilhelmsson í Vatnsfirði, en þar þjónaði hann allan sinn prestsskap eða frá 1956-1999. Ljósm.: Mbl. Sverrir Vilhelmsson.

Það sér á að mannlífið er daufara hér vestra þessi árin en var þegar síra Baldur var og hét til skamms tíma. Hann var ótrúlegur sálnahirðir. Er þess að minnast að framan af prestsskaparárum hans í Vatnsfirði voru Djúpmenn alltaf að klaga hann fyrir prófasti og biskupi fyrir ýmsar sakir. En sá tími kom fyrir mörgum áratugum að þeir hinir sömu Djúpmenn vildu engan annan sálnahirði hafa, enda fullsæmdir af Vatnsfjarðarklerki.

 

Svo bar við fyrir nokkrum árum, að haldið var stórafmæli á Ísafirði hjá Djúpmanni nokkrum. Þar kom fyrrverandi sóknarprestur mannsins, síra Baldur heitinn Vilhelmsson í Vatnsfirði. Var sláttur á karli þegar leið á kvöldið og gerðist hann allþéttur og eirði fáu.

         Þarna var meðal gesta dr. Þorsteinn Jóhannesson, yfirlæknir á Ísafirði. Sá hann þann kost vænstan, að bestu manna yfirsýn, að réttast væri að taka klerk úr umferð og leggja hann inn á sjúkrahúsið til morguns. Var það gert og fer ekki fleiri sögum úr því afmæli.

         Þegar menn síðan vakna að morgni, eins og lög gera ráð fyrir, þá var svo háttað í stofu þeirri sem Vatnsfjarðaklerkur svaf í um nóttina, að þar voru tveir menn aðrir herbergðir. Voru það bóndi nokkur og annar eldri maður og var sá frekar lélegur og lyfti varla höfði frá kodda.

         Nú var komið inn með morgunkaffi til þeirra félaga og þótti klerki frekar naumt skammtað, enda matmaður mikill. Þegar hann var búinn að hesthúsa sinn skammt á augabragði sá hann útundan sér að sá sem linur var lauk ekki alveg við sinn deildan verð.

Upphófst þá klerkur svo hljóðandi:

         -Ætlarðu að borða þetta, góði?

         -Ja, ég veit það nú ekki, ég er nú hálf lélegur.

         -Má ég þá ekki fá brauðsneiðina, góði?


« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31