A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
30.01.2017 - 20:44 | Vestfirska forlagið,Hallgrímur Sveinsson

Svefntími og gáfur: - Nú þurfa morgunhanarnir að fara að hugsa sinn gang!

Sumir telja Albert Einstein gáfaðasta mann sem uppi hefur verið. Hvenær skyldi hann hafa farið á stjá á morgnana?
Sumir telja Albert Einstein gáfaðasta mann sem uppi hefur verið. Hvenær skyldi hann hafa farið á stjá á morgnana?
« 1 af 2 »

Nú þurfa þeir sem eru alltaf að þenja sig á morgnana fyrir allar aldir að fara að hugsa sinn gang. Það er nefnilega komið í ljós að þeir sem kjósa að lúra svolítið lengur eru miklu gáfaðri en hinir. Svo segja sumir. Maður hélt nú að þeir sem hafa vit  á að rífa sig nógu snemma á fætur væru gáfaðasta fólkið! Morgunstund gefur gull í mund. En nú teljast sem sagt þeir sem fara ekki á stjá fyrr en seint og um síðir gáfuðustu mennirnir!  Eða svo skyldi maður ætla.

   Kenning þessi kom fram í umræðum í akademíunni á Þingeyri um daginn.

Þeir spekingarnir eru misárrisulir og þar af leiðandi misgáfaðir samkvæmt því. Þeir sem rífa sig upp jafnvel milli fimm og sex hljóta þá að vera alveg úti að aka svo dæmi sé nefnt. En þeir halda auðvitað sjálfir að það gneisti af þeim gáfurnar! Hvernig þetta er í raun í pottinn búið vita menn ekki svo glöggt. Því þegar morgunhanarnir spurðu hvort einhverjar marktækar rannsóknir lægju fyrir í málinu, varð fátt um svör.

   Og má nú vel rifja upp það sem sá orðhvati maður, Sighvatur Borgfirðingur, fræðimaður á Höfða í Mýrahreppi, sagði um næstu nágranna sína á sinni tíð: „Þetta fer aldrei úr bælunum fyrr en undir hádegi!“ Þeir hljóta að hafa reitt vitið í þverpokum!  


« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31