List á Þingeyri: - Merkilegt hvað vinir okkar frá Litháen tala góða ensku
Þriðja listsýningin í sýningaröðinni Questioning Arts var haldin í Simbahöllinni á Þingeyri í fyrradag, laugardaginn 13. febrúar, undir heitinu: „Jafnvel þau orð sem sögð eru í trúnaði bergmála“. Kenndi þar ýmissa verka, meira að segja úr ritningunum og komu margir við sögu, einkum vinir okkar frá Litháen.
Við tókum meðf. myndir á sýningunni í Simbahöll. Merkilegt finnst okkur hvað vinir okkar þarna að austan tala góða ensku. Nú er sumt af þessu bráðmyndarlega og viðkunnanalega fólki alið upp undir Rússum að hluta til. Þá var það bara rússneskan í fyrrirrúmi. Þeir hafa greinilega snúið við blaðinu. Tvær myndarlegar frá Litháen sungu skemmtilegt lag á móðurmáli sínu og alls konar var á dagskrá eins og myndirnar sýna glöggt. Svo var kaffi og kleinur, íslenskar auðvitað og ég veit ekki hvað og hvað.
