A A A
  • 1935 - Soffía Einarsdóttir
28.02.2017 - 21:28 | Vestfirska forlagið,Emil Ragnar Hjartarson,Björn Ingi Bjarnason

Hjólhýsi

Á myndinni standa þeir Ásvaldur í Ástúni og Guðni á Sæbóli við hjólhýsi sitt fyrir liðugum sextíu árum , myndin tekin árið 1953.
Á myndinni standa þeir Ásvaldur í Ástúni og Guðni á Sæbóli við hjólhýsi sitt fyrir liðugum sextíu árum , myndin tekin árið 1953.
Margir slefa hjólhýsum eftir bílum sínum um þjóðvegina og hafa til gistingar á ferðalögum. Hjólhýsi eru engin nýlunda. Á myndinni standa þeir Ásvaldur Guðmundsson í Ástúni og Guðni Ágústsson á Sæbóli við hjólhýsi sitt fyrir liðugum sextíu árum , myndin tekin árið 1953.

Guðni og Ási voru þá ýtustjórar, stjórnuðu Sandsýtunni sem var International beltavél stærðin TD 14 og var þá öflugusta jarðýtan í Vestur Ísafjarðarsýslu. Þeir voru að ryðja veginn í skriðufótum innan við Langasker, þegar verið er að leggja veg fyrir Dýrafjörð, unnu vaktavinnu og sá sem frívakt átti svaf þá í hjólhýsinu því arna. Þessi háttur hafður á því þeirra vinnustaður var nokkuð fjarri vegavinnubúðum og illa bílfært til þeirra.

Guðni og Ási voru lengi vinnufélagar---oft nefndir í sömu andránni.

Guðni einn af frumherjum í ýtumanna hópi fyrir vestan, hlaut eldskírn sína við heldur óblíðar aðstæður þegar vegur var lagður yfir Dalsófæru út í Valþjófsdal árið1949.

Ási stjórnaði Sandsýtunni lengi, auk þess harmonikuleikari á Sandböllum og víðar----fimleikamaður --gerði það gjarnan þegar hann fór út úr ýtunni að rétta úr sér að ganga á gálganum fram að tönninni og standa á höndum á henni. Það væri gaman að eiga þá hvíldarleikfimi á mynd.

Báðir þessir "Sandmenn" prýðilegir félagar.


« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31