A A A
  • 1949 - Guðberg Kristján Gunnarsson
  • 1962 - Unnur Cornette Bjarnadóttir
23.07.2017 - 20:31 | Vestfirska forlagið,Hallgrímur Sveinsson,Björn Ingi Bjarnason

Gamla myndin: - Rafvæðing Vestfjarða var kraftaverk og konurnar áttu sinn þátt í því!

F.v.: Halldór Jónsson, sjó- og landpóstur, Friðgerður Friðgeirsdóttir, Sigrún Elíasdóttir, Nanna Westerlund, Elinborg Helgadóttir, Kristjana Arnardóttir, María Steinunn Finnsdóttir, Þóra Þórðardóttir, Jóhanna Jóhannesdóttir, Pálína Sigtryggsdóttir, Nanna Bárðardóttir og Jón Halldórsson, póstur. Ljósm.: HS
F.v.: Halldór Jónsson, sjó- og landpóstur, Friðgerður Friðgeirsdóttir, Sigrún Elíasdóttir, Nanna Westerlund, Elinborg Helgadóttir, Kristjana Arnardóttir, María Steinunn Finnsdóttir, Þóra Þórðardóttir, Jóhanna Jóhannesdóttir, Pálína Sigtryggsdóttir, Nanna Bárðardóttir og Jón Halldórsson, póstur. Ljósm.: HS

Árið 1998 var þess minnst að 40 ár voru liðin frá því Mjólkárvirkjun tók til starfa. Þá var meðf. mynd tekin af hluta húsmæðra þeirra sem gerðu garðinn frægan í Mjólká á þeim tíma. Glæsilegar konur sem stóðu þétt að baki vélstjóra virkjunarinnar, eiginmanna sinna.

Mjólká 1 var 2,400 kílówött, byggð við mjög frumstæðar aðstæður. Hálfgert kraftaverk. Hún veitti birtu og yl um Vestfirði og gerði þá byggilegri. Ráðherra raforkumála sagði þá að virkjunin myndi duga Vestfirðingum í nánustu framtíð. Sá spádómur rættist nú ekki. Þá þurfti að reisa stauravirki og strengja víra yfir fjöll og firnindi, strendur, firði og dali. Mikilvirkir, stórhuga og lagtækir menn voru þar að verki. Ekki er vitað til að nokkur Vestfirðingur né aðrir hafi beðið tjón á sálu sinni þrátt fyrir alla þá nauðsynlegu tréstaura sem stóðu undir rafmagnslínunum og standa enn.

Á myndinni eru frá vinstri:
Halldór Jónsson, sjó- og landpóstur, Friðgerður Friðgeirsdóttir, Sigrún Elíasdóttir, Nanna Westerlund, Elinborg Helgadóttir, Kristjana Arnardóttir, María Steinunn Finnsdóttir, Þóra Þórðardóttir, Jóhanna Jóhannesdóttir, Pálína Sigtryggsdóttir, Nanna Bárðardóttir og Jón Halldórsson, póstur.

Póstarnir fengu að fljóta með húsfreyjunum á myndinni, en þeir lögðu líka hönd á plóg við rafmagnsframleiðsluna á sinn hátt.

Ljósm. Hallgrímur Sveinsson.


« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31