Bjarni Guðmundsson....lózaði (h)eldri Akureyringum Borgarfjarðarhringinn
Bjarni Guðmundsson.... lózaði (h)eldri Akureyringum Borgarfjarðarhringinn í sólblíðunni (gluggamegin) í gær:
Við Andakílsárfossa: Undraveröld flestum hulin en drullug er áin...
Hestháls: Birkigróið hálendi sem í brún Harðangursheiðar
Lundarreykjadalshringur: Upp laukst fyrir mörgum hve dalurinn er fallegur
Steðji: Bjór drukkinní huganum en rifjuð upp helstu íblöndunarefni.
Ruddi: Annar fegursti útsýnisstaður í Borgarfirði
Hver-inn á Kljreykum: Dæilegur áningarstaður fyrir fótlúið fólk.
Deildartunguhver: Fulltrúar japanska keisaradæmisins mættir. Hvenær verður hætt að framkvæma þar í kringum hverinn???
Reykholt: Með afbrigðum vel hirtar flatir og lendur, velþegin vanhús; Meistarastykkin Guðjóns Sam og Garðars Halld verða brátt innpökkuð í skóg, þá verður gott að eiga myndir af þeim, og ég hættur að gefa mig út sem ferðasögumann...
Og svo beið súpan hjá frú Láru ... Meira síðar - kannski.
----------------------------------------------------------------------
.... var í gærdagssögunni kominn að súpunni í Geósentrinu Brúarási:
Brúarás: Stórgóð og vel úti látin ketsúpa; Rúmenska frammistöðustúlkan las hópinn vel, sá fyrir öllu, vann hug og hjörtu okkar gamlingjanna, lofaði að tala við mig á íslensku næst.
Hraunfossar/Barnafoss: Þvílíkt kraðak ökutækja, slatti af fólki, þar í amk ein handan kaðals að láta taka af sér djarfa mynd ... sumir sneru sér undan.
Húsafell: Fáir sýnilegir enda fátt betra en ört vaxandi birki til þess að hyljafólk og misfellur landsins
Kalmanstunga: Gömlu heyin að hverfa...þó er heyjað enn...
Nær Fljótstungu: Sýnilega margir að búa sig til hellisferðar, við slepptum henni.
Síðan tók við blundur því við ókum sömu leið til baka en sveigðum síðan til vesturs
Kljáfoss: Rifjuð upp sagan um damminn stóra og virkjunina.
Baula: Skinnsokkar tæmdir í Reykholti svo við ókum hjá ...
Ferjukot/Hvítárvellir: Aldasagan pökkuð saman í fáeinar setningar. Einhver hjörtu hægðu á sér í 52 manna bíl á háboga brúarinnar.
Hvanneyri: Hefbundin saga, og ferðinni lokið með sögustund í Hvanneyrarkirkju.
Skemmtilegur hópur kvaddur; veðrið hefði vart getað orðið betra. Ég sagði þeim að svona væru flestir dagar í Borgarfirði. En er hér aldrei logn? spurði einhver. ... ég rifjaði þá upp söguna um tilurð Sonatorreks Egils Skalla ... er farinn að heyra illa ...
Af Facebook-síðu Dýrfirðingsins Bjarna Guðmundssonar á Hvanneyri í Borgarfirði.
