A A A
  • 1935 - Soffía Einarsdóttir
06.04.2016 - 20:55 | Hallgrímur Sveinsson,Guðmundur Ingvarsson,Bjarni Georg Einarsson

Á vettvangi dagsins: - Færeyingar lánuðu Íslendingum óumbeðnir 7 milljarða eftir „Hið svokallaða Hrun“

Eivör Pálsdóttir
Eivör Pálsdóttir
« 1 af 2 »

Flestar áhyggjur okkar Íslendinga snúast um peninga, peninga og aftur peninga. Og hvernig við getum ávaxtað þá sem best. Og grætt meira. Á vettvangi dagsins er nú tímabært að rifja upp framkomu vina okkar og frænda í Færeyjum eftir „Hið svokallaða Hrun.“

   Jæja. Í vetur var í sundlauginni á Þingeyri lesið upp úr bókinni Eivör og færeysk tónlist eftir Jens Guðmundsson. Þar er sagt frá æviferli þessarar stórkostlegu færeysku frændkonu okkar.

Í bókinni segir svo, beinar tilvitnanir:
   „Við íslenska bankahrunið 2008 varð alvarlegur gjaldeyrisskortur hérlendis. Aðrar þjóðir voru tregar til að veita Íslandi gjaldeyrislán þó að Íslendingar – skríðandi á hnjánum – grátbæðu þær um hjálp. Færeyingar brugðu skjótt við og lánuðu Íslendingum, óumbeðnir, þegar í stað hátt á sjöunda milljarð í gjaldeyri. Það munaði öllu. Bjargaði Íslendingum fyrir horn í kaupum á lyfjum, eldsneyti og öðrum nauðsynjavörum.“

   „Færeyskur almenningur stóð heilshugar á bak við ákvörðun stjórnvalda um að lána Íslendingum gjaldeyri. Einu óánægjuraddirnar sem vart varð við á færeyskum spjallsíðum á netinu lutu að því að upphæð lánsins hefði átt að vera hærri.“

   Svo mörg voru þau orð. Óhjákvæmilegt er að spyrja: Er hugsanlegt að hluti af færeyska gjaldeyrisláninu hafi lent í vösum fjárglæframanna á Íslandi til innlagnar í skattaskjólum?  

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31